Ricca de eccisu est sa festa chi si fait in su mesi de lampadas a onori de santu Giuanni Battista. Sa spaniadura de su cultu de su santu in sa Sardigna tenit arrexinis paganas, accappiadas a su circulu de su soli e a su mitu de sa furcidura. Pagana fiat sa usanzia, ancora bastanti spainada, accappiada a s’alluidura de is fogadonis, chi tenint unu significu particulari: fai trigai sa calada de su soli chi, de su 24 de lampadas, de dì in dì si cùat prus a trigadiu.
La cresia at a pustis donau a is fogadonis unu significu religiosu, zerriendiddus propiu fogus de santu Giuanni. La statua de santu Giuanni, de primus de su 1800, est straportada de sa cresia de santa Maria Assunta, posta asuba de unu carru antigu, cuncodrada a festa e tragada de unu giù, sa tracca, traèssat in prucessioni is arrugas de sa bidda finas a sa cresiedda de sartu de santu Giuanni, accanta de sa grutta cun su propiu nomini. Innoi cumènzant is grandu affestus cun d’unu programmu arriccus de ideas; faint spettaculus teatralis e musicalis,cun sa presenzia de medas troperas de su connotu. A is personas presentis ddis offerrint prattus tipicus de sa coxina de su logu.