Camminu intre is cresias
e is fabbricus de importu
 |
|
|
Prazza Matteotti |
|
De sa Prazza Matteotti, chi sègat sa liniaridadi de s’Arruga de Casteddu, s’arruga chi attrèssat Domusnoas in totu sa longaria sua, si snùat unu camminu de interessu mannu chi nci pòrtat a is cresias antigas de sa bidda.
Est una prazza simplici a forma rettangulari, intellada a pedra e pobera a monumentus, ma arranguizzosa po sa presenzia dominadora de sa Cresia de sa B. V. Assunta. Dda faint galosa is lantionis bellus de ferru chi a mericeddu, candu ddus alluint, imbóddiant is domus e sa cresia cun d’unu manteddu groganciu.
Intre is pagus fabbricus chi tenint calincunu alchidu e chi finas de is primizius de su 1900 si ndi pesànt óru-óru de sa prazza minescit attenzioni sa Domu Rubiu, in s’Arruga de Casteddu accanta accanta de sa cresia. Est unu fabbricu a duus pianus, cun s’affacciada imbussada a arrebussu biancu, chi est parzida in tres partis de duas lesenas cun in pizzus cabitellus cun elementus decoradoris gregus. Su portali prinzipali ammòstat duus archittus a sestu acuzzu. Asuba de s’incroamentu, cun elementus circularis a resartu, est una cembrana de meda importu, cuncordada a parallelepipedus piticus e a sestu acuzzus de dependidura grega classica. Su palaziu est distinau a posada a tres steddus, cun trintacincu lettus. Su pariscunterra at a ospidai unu restoranti, una pizzeria e unu caffei.
|
 |
