Su museu etnograficu
 |
|
|
su carru |
|
Su chi at fattu custa arregorta est unu privau, Mauriziu Sotgiu chi s’gàtat in in sa Arruga Garibaldi 53 (tel 0781-70.354) ; est propiu grazias a issu chi podeus mirai cun spantu pingius oindì scarescius ma de valori storicu mannu poita còntant de sa vida umili e simplici de su messaiu. Issu, chi ndi benit de una familia massarxesa, at cumenzau unus cantu annus fait una circa sciringosa de trastus e ainas. At forrogau in is dominarius, in domus poberas, in su sartu aundi su messaiu fiat biviu. S’arregorta est apparicciada in d’unu furriadroxu aundi fiat aprigau su bestiamini a de notti. Est unu fabbricu de is annus Coranta, a pedra e ladiri cun bovidas de canna poderadas de bigas de linna e imbussadas a teula.
 |
Est cumposta de unu aposentu, “sa domixedda”, cun su pomentu de terra pistada, una ziminera e una prazza de aintru serrada, aundi s’incàrat sa lolla. Is trastus paraus, unus 1200, pìgant noi spazius, partendi de “sa domixedda”. Ddoi funt trastus po sa traballadura de su latti e sa palia de linna chi serbiat po intrai su pani a su forru, sa stoia, imperada po s’incungia de is loris in is terras, unu arau becciu cun sa punta de linna simili a cussu imperau de is Romanus antigus, e medas pingius de grandu interessu po chini stìmat is usanzias popularis antigas.
|
|
