tecnica antiga chi si nàrat a “pibionis”.

S’attividadi artesanali prinzipali est cussa de sa traballadura de is tappissus. Su tessingiu ,perefettu, est una de is espressaduras prus antigas de su connotu de custa bidda. Filai e tessi fiat unu traballu po feminas e si fadìat aintru de is murus de domu. In su 1833 Casalis scririat po Domusnoas: “Is feminas funt donadas po su tessingiu e in onnia familia, in bidda cumenti in is dominarius pastorialis, ddoi at unu trobaxu traballendi casi de sighida”.
A s’acabu de sa bidda, po èssiri prezisus a su numeru 8 de s’Arruga de Casteddu, s’agàtat sa buttega de tessingiu, Arte Sarda, de Luisedda Argiolas (tel. 0781/70816-70933). Grazias a s’impignu de custa artesana sighit a bivi un’arti chi est sparessendi. Cun is trobaxus totu a manu trabàllant sa sorri e duas tessidoras, chi cun is didus insorus abilis intrìcciant filus de cotoni, lana, linu, scoviendi a bellu a bellu is elementus decoradoris de sa tessidura biddaia de Domusnoas, aici cumenti fiant fattus annus fait de is messaias in is domus insoru. Po ddoi arribai tòccat a partiri de sa prazza prinzipali, sa Prazza Matteotti, e si fait totu s’Arruga de Casteddu; lompius a s’acabada de s’arruga, a manu manca, una parada manna de prodottus de su tessingiu fait a cumprendi a su turistu ca est arribau a sa buttega. Intre in medas manuestus apparessint crarus is tappissus coloraus, opereddas primorosas po sa singularidadi e sa bellesa insoru. Innoi si podint comporai puru fanugas, arazzus, coscinus, tiallas, cortinas, pannixeddus asciuttamanus, issus puru traballaus a manu, cumenti puru is coberibangus, elementu antigu decoradori de sa cascia de sa femina coiada. Is coloris de su connotu funt nieddu, “panna”, arrubiu, bodeaux e birdi. Is traballus funt rialisaus cun d’unu intricciu a trebialis postus is unus a pizzus de is atrus chi arregòrdant su relievu de is gurdonis de s’axina: sa tecnica antiga chi si nàrat a “pibionis”. Is motivus decoradoris funt differentis: figuras geometricas, cuaddus alaus, paonis, storis rialis, puddixeddas, cerbus, pillonis de mari ma su ballu sardu tipicu puru.